ബാഴ്സലോണയുടെ അര്‍ജന്റീനന്‍ താരം ലയണല്‍ മെസ്സി മാഞ്ചസ്റ്റര്‍ സിറ്റിയിലേക്കു ചേക്കേറാന്‍ ഒരുങ്ങുന്നതായി സൂചന. 300 ദശലക്ഷം യൂറോ, അഥവാ ഏകദേശം 2300 കോടി ഇന്ത്യന്‍ രൂപയുടെ മാഫറാണ് സിറ്റി മെസ്സിക്കു മുന്നില്‍ വച്ചിട്ടുള്ളതെന്നാണു റിപ്പോര്‍ട്ടുകള്‍.

ടീമംഗവും സുഹൃത്തുമായ നെയ്മറിനെ പി.എസ്.ജിക്കു വില്‍ക്കാനുള്ള ബാഴ്സ തീരുമാനത്തില്‍ താരം അസന്തുഷ്ടനാണ് എന്നാണ് റിപ്പോര്‍ട്ടുകള്‍. ഈ സാഹചര്യത്തിലാണ് മെസ്സിയും കൂടുമാറാനൊരുങ്ങുന്നത് റിപ്പോര്‍ട്ടുകള്‍ പറയുന്നു.

കഴിഞ്ഞ മാസമാണ് ബാഴ്സയുമയുള്ള കരാര്‍ ആഴ്ചയില്‍ ഒരു മില്യണ്‍ യൂറോ ശമ്ബളത്തില്‍ മെസ്സി പുതുക്കിയത്. ഫുട്ബോള്‍ ചരിത്രത്തിലെ തന്നെ ഏറ്റവും വലിയ വേതനമാണിത്.

എന്നാല്‍ കരാര്‍ ക്ലബ് ഔദ്യോഗികമായി പുറത്തുവിട്ടിട്ടില്ല. 2021 ജൂണ്‍ 30 വരെയാണ് കരാര്‍.

നെയ്മറെ 222 മില്യണ്‍ യൂറോക്കാണ് ഫ്രഞ്ച് വമ്ബന്മാരായ പി.എസ്.ജി സ്വന്തമാക്കിയിരുന്നത്. നെയ്മര്‍ക്ക് പകരം ലിവര്‍പൂളില്‍ നിന്ന് ഫിലിപ്പെ കുടിഞ്ഞോയെ എത്തിക്കണമെന്നായിരുന്നു മെസ്സിയുടെ ആവശ്യം. എന്നാല്‍ കുടിഞ്ഞോയെ വിട്ടു നല്‍കാന്‍ ലിവര്‍പൂള്‍ തയാറായില്ല. ബൊറൂസിയ ഡോട്മുണ്ടില്‍ നിന്ന് ഉസ്മാനെ ഡെംബാലയെ ടീമിലെത്തിക്കാനുള്ള ശ്രമങ്ങളും വിജയിച്ചില്ല. ഇതിനിടെ, റയലുമായുള്ള രണ്ട് എല്‍ ക്ലാസികോയില്‍ ബാഴ്സ തോല്‍ക്കുകയും ചെയ്തു.