മന്ദാകിനി: അഞ്ച് യുവതാരങ്ങള്‍ പിടിയില്‍, അന്വേഷണം മറ്റ് പ്രമുഖരിലേക്കും, കൂടുതല്‍ പേര്‍ കുടുങ്ങിയേക്കും: സമൂഹമാധ്യമങ്ങളില്‍ ചൂടന്‍ ചര്‍ച്ചയ്ക്ക് ഇടയാക്കിയ വാര്‍ത്തയ്ക്ക് പിന്നിലെന്ത്?
മലയാളം സിനിമാ ലോകത്ത് ഞെട്ടിച്ച അറസ്റ്റും മറ്റുമാണ് നടന്നു കൊണ്ടിരിക്കുന്നത്. ഇതിനിടെയാണ് കൂടുതല്‍ യുവതാരങ്ങള്‍ അറസ്റ്റിലായെന്ന വാര്‍ത്തയും പുറത്തുവന്നത്. അത്തരത്തില്‍ ഞെട്ടിക്കുന്ന വാര്‍ത്ത തിരുവോണ നാളില്‍ പുറത്തുവന്നു. സോഷ്യല്‍ മീഡിയയിലാണ് ഇത്തരമൊരു വാര്‍ത്താ പോസ്റ്റര്‍ പ്രത്യക്ഷപ്പെട്ടത്.
'മന്ദാകിനി'; അഞ്ച് യുവതാരങ്ങള്‍ പിടിയില്‍, പിടിയിലായവരില്‍ യുവ സംവിധായകനും, അന്വേഷണം മറ്റ് പ്രമുഖരിലേക്കും. കൂടുതല്‍ പേര്‍ കുടുങ്ങിയേക്കും. ഒറ്റ നോട്ടില്‍ ഒരു പത്രകുറിപ്പാണെന്ന് തോന്നുമെങ്കിലും 'മന്ദാകിനി' എന്ന 'വാര്‍ത്താകുറിപ്പ്' സിനിമയുടെ ടൈറ്റില്‍ അനൗണ്‍സ്മെന്റാണ്.
മാധ്യമപ്രവര്‍ത്തകനും എഴുത്തുകാരനുമായ ജെനിത് കാച്ചിപ്പള്ളി തിരക്കഥ എഴുതി സംവിധാനം ചെയ്യുന്ന ചിത്രമാണ് മന്ദാകിനി.
ഇതുപോലൊരു ടൈറ്റില്‍ അനൗണ്‍സ്മെന്റ് ചിലപ്പോള്‍ ആദ്യമാകും. വാര്‍ത്തയും സിനിമയും ഏതായാലും സമൂഹമാധ്യമങ്ങളില്‍ ചൂടന്‍ ചര്‍ച്ചയ്ക്ക് ഇടയാക്കി.
സിജു വില്‍സണ്‍, കൃഷ്ണ ശങ്കര്‍, ശബരീഷ്, അല്‍ത്താഫ്, ഷിയാസ് എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. ഇതിഹാസ, സ്റ്റൈല്‍ എന്നീ സിനിമകള്‍ക്ക് ശേഷം ആര്‍ക് മീഡിയയുടെ ബാനറില്‍ രാജേഷ് അഗസ്റ്റിനാണ് ചിത്രം നിര്‍മ്മിക്കുന്നത്.
No comments