തിരിച്ചെടുക്കൂ സമാധാന നൊബേല്‍, സൂചി അത് അര്‍ഹിക്കുന്നില്ല
1991ല്‍ അവര്‍ക്ക് സമാധാനത്തിനുള്ള നൊബേല്‍ സമ്മാനം നല്‍കി ആദരിച്ചപ്പോള്‍ ലോകം അഭിമാനിച്ചു. 2010ല്‍ വീട്ടുതടങ്കലില്‍നിന്ന് മോചിപ്പിച്ചപ്പോള്‍, 2015ല്‍ പൊതുതെരഞ്ഞെടുപ്പില്‍ വിജയിച്ചപ്പോള്‍ സന്തോഷപൂര്‍വം ആഘോഷിച്ചു. മാനസികമായും ശാരീരികമായും അവര്‍ ഒരുപാട് പീഡനങ്ങള്‍ സഹിച്ചിട്ടുണ്ട്. ലോകത്തുനിന്ന് ഒറ്റപ്പെട്ടുപോയിട്ടുണ്ട്. അവരുടെ കുടുംബാംഗങ്ങള്‍പോലും സൈനിക ഭരണകൂടത്തിെന്‍റ ക്രൂരതകള്‍ക്കിരയാക്കപ്പെട്ടിട്ടുണ്ട്. ഒന്നും മറന്നുകൊണ്ടല്ല ഇൗ കുറിപ്പ്.
എന്നാല്‍, അത്രയേറെ പ്രതീക്ഷ പുലര്‍ത്തിയ ഒരു രാഷ്ട്രീയ നേതാവിനാല്‍ വഞ്ചിക്കപ്പെടുേമ്ബാള്‍ മറുത്തുചിന്തിക്കാനുമാകില്ല. മ്യാന്മറിലെ രാഖൈന്‍ പ്രവിശ്യയില്‍ റോഹിങ്ക്യന്‍ മുസ്ലിംകളോടുള്ള വിവേചനം കൈയും കെട്ടി നോക്കിനിന്നു എന്ന ഒറ്റക്കാരണം മതിയാകും ആ പ്രതീക്ഷകള്‍ നിലംപരിശാകാന്‍. ലോകത്ത് ഏറ്റവും കൂടുതല്‍ പീഡനമനുഭവിക്കുന്ന മനുഷ്യവിഭാഗമെന്നാണ് യു.എന്‍ റോഹിങ്ക്യകളെ വിശേഷിപ്പിച്ചത്. സൂചി അധികാരത്തിേലറിയിട്ടും റോഹിങ്ക്യകളുടെ കഷ്ടതകള്‍ നീങ്ങിയില്ല. മതത്തിെന്‍റയോ വംശത്തിെന്‍റയോ ദേശീയതയുടെയോ വര്‍ഗത്തിെന്‍റയോ പേരില്‍ ഒരു വിഭാഗത്തെ അടിച്ചമര്‍ത്തുന്നതിനെ വംശഹത്യയായി കണക്കാക്കാം എന്നാണ് ദ കണ്‍െവന്‍ഷന്‍ ഒാണ്‍ ദ പ്രിവന്‍ഷന്‍ ആന്‍ഡ് പണിഷ്മെന്‍റ് ഒാഫ് ജനോസൈഡ് നല്‍കുന്ന നിര്‍വചനം.
റോഹിങ്ക്യന്‍ അഭയാര്‍ഥികള്‍
സൂചി രാഷ്ട്രീയ നേതാവായതുമുതല്‍ റോഹിങ്ക്യകള്‍ക്കു നേരെയുള്ള ക്രൂരതകളുടെ തീവ്രത കെട്ടടങ്ങുകയല്ല, ആളിക്കത്തുകയാണുണ്ടായത്. സായുധസൈന്യത്തിനാണ് രാജ്യത്ത് മേധാവിത്വമുള്ളത്. സൂചിക്ക് അവരെ നിലക്കുനിര്‍ത്താനും കഴിയുന്നില്ല. അതായത് കളിപ്പാവ കണക്കെ അവര്‍ സൈനികനേതൃത്വത്തിെന്‍റ ചരടുവലികള്‍ക്കൊത്ത് ചലിക്കുകയാണ്. അതല്ലെങ്കില്‍, തെന്‍റ അധികാരം ഉപയോഗിച്ച്‌ സായുധ സേനയെ നിയന്ത്രിക്കാന്‍ മുതിരാതെ വംശഹത്യ മാറിനിന്നു വീക്ഷിക്കുകയാണ്, ഒരു വാക്കുപോലുമുരിയാടാതെ. ഇൗ നിശ്ശബ്ദത, രാഖൈനില്‍ റോഹിങ്ക്യകള്‍ നേരിടുന്ന പീഡനങ്ങളെക്കുറിച്ച്‌ യു.എന്‍ മനുഷ്യാവകാശ സംഘം തയാറാക്കിയ റിപ്പോര്‍ട്ട് സൂചി വായിച്ചിട്ടുണ്ടാകുമോ എന്ന് സംശയം ജനിപ്പിക്കുന്നു. കഴിഞ്ഞ ഫെബ്രുവരിയില്‍ പുറത്തുവിട്ട റിപ്പോര്‍ട്ടില്‍ ആ റോഹിങ്ക്യകള്‍ക്കു നേരെയുള്ള സൈന്യത്തിെന്‍റ നരനായാട്ടിെന പച്ചയായി വിവരിക്കുന്നുണ്ട്. പ്രായപൂര്‍ത്തിയാകാത്ത കുട്ടികളുള്‍പ്പെടെ ക്രൂരമായ ബലാത്സംഗത്തിനിരയായി. ശരീരത്തിനേറ്റ മുറിവുകളോടെ അവരില്‍ ചിലര്‍ മരണത്തിന് കീഴടങ്ങി. ഭാര്യയും കുട്ടികളും മാതാപിതാക്കളുമടങ്ങുന്ന കുടുംബത്തിെന്‍റ കണ്‍മുന്നില്‍ ഗൃഹനാഥന്മാരെ കഴുത്തറുത്തു കൊലപ്പെടുത്തി. ഇതൊന്നും മതിയാകാതെ റോഹിങ്ക്യകളുടെ കുടിലുകള്‍ തീയിട്ടു നശിപ്പിച്ചു. ഇങ്ങനെ എണ്ണിയാലൊടുങ്ങാത്ത ക്രൂരതകളുടെ പകര്‍പ്പാണ് ആ റിപ്പോര്‍ട്ട്.
ഇൗ വംശഹത്യയുടെ പേരില്‍ ലോകം പഴിചാരുന്നത് സമാധാന നൊബേല്‍ ജേതാവായ ഒാങ്സാന്‍ സൂചിയെ ആണ്. റോഹിങ്ക്യകളില്‍ ചിലരുടെ കൈവശം ആയുധമുണ്ടെന്നത് ശരിയാണ്. അതിജീവനത്തിനായുള്ള പോരാട്ടത്തിനാണ് അവരത് കൈയിലെടുത്തത്. അല്ലഅല്ലാതെ രക്തം ചിന്തുന്നത് കണ്ടുരസിക്കാനല്ല. വംശഹത്യ തടയാതെ മാറിനില്‍ക്കുക മാത്രമല്ല, സൈന്യത്തിെന്‍റ ചെയ്തികളെ ന്യായീകരിച്ച്‌ അവര്‍ക്ക് സംരക്ഷണത്തിെന്‍റ മറനീക്കുക കൂടിയാണ് സൂചി. റോഹിങ്ക്യകളുടെ അസ്ഥിത്വം തന്നെ നിഷേധിച്ച സൂചി യു.എസ് അംബാസഡറോട് ആ പദം ഉപയോഗിക്കരുതെന്നുപോലും ആവശ്യപ്പെടുകയുണ്ടായി. അവര്‍ ഉയര്‍ത്തിപ്പിടിക്കുന്ന 1982ലെ അതേ പൗരാവകാശ നിയമമാണ് റോഹിങ്ക്യകള്‍ക്ക് പിറന്നമണ്ണില്‍ ജീവിക്കാനുള്ള അവകാശം നിഷേധിക്കുന്നതും.
റോഹിങ്ക്യന്‍ സ്ത്രീകള്‍ അനുഭവിച്ച പീഡനങ്ങളെക്കുറിച്ചുള്ള വിവരങ്ങള്‍ പുറത്തുവരുേമ്ബാള്‍ സൂചിയുടെ ഒാഫിസ് ഫേസ്ബുകില്‍ അത് വ്യാജ വാര്‍ത്തയെന്ന് പോസ്റ്റ്െചയ്യുന്നു. സൂചി അനുവദിക്കാതെ ഇത്തരത്തിലൊന്ന് നടക്കുേമാ എന്ന കാര്യത്തില്‍ തര്‍ക്കമില്ല. കലാപത്തില്‍ ഒറ്റപ്പെട്ടുപോയവര്‍ക്ക് ഭക്ഷണമുള്‍പ്പെടെയുള്ള അവശ്യസഹായങ്ങള്‍ നല്‍കാനും അവരുടെ സര്‍ക്കാര്‍ തയാറായില്ല. ഇൗ കലുഷിത സാഹചര്യത്തില്‍ സൂചിയില്‍നിന്ന് നൊബേല്‍ സമ്മാനം സ്വീഡിഷ് അക്കാദമി തിരിച്ചെടുക്കണമെന്നാണ് എെന്‍റ അഭ്യര്‍ഥന. ഇൗ ആവശ്യമുന്നയിച്ച്‌ ഒപ്പുശേഖരണാര്‍ഥം പ്രചാരണത്തിനിറങ്ങുകയാണ്.
(ബ്രിട്ടീഷ് എഴുത്തുകാരനാണ് ലേഖകന്‍. കടപ്പാട് ഗാര്‍ഡിയന്‍)
No comments