ദിലീപിന് വെല്ലുവിളിയായി ദുല്‍ഖര്‍
ഒടുവില് അഭ്യൂഹങ്ങള്‍ക്കെല്ലാം വിരാമമിട്ട് ദിലീപ് ചിത്രം രാമലീല തിയറ്ററുകളില്‍ എത്തുകയാണ്. നടി ആക്രമിക്കപ്പെട്ട കേസില്‍ അറസ്റ്റിലാകുന്നതിന് തൊട്ട് മുന്‍പ് ദിലീപ് പൂര്‍ത്തിയാക്കിയ ചിത്രമാണ് രാമലീല. പോസ്റ്റ് പ്രൊഡക്ഷന്‍ ജോലികള്‍ ഇതോടെ മന്ദഗതിയിലാകുകയും ചിത്രം റിലീസ് നീളുകയും ചെയ്തു. ദിലീപിന്റെ അറസ്റ്റിനെ തുടര്‍ന്ന് പ്രേക്ഷകര്‍ ചിത്രത്തെ എങ്ങനെ ഏറ്റെടുക്കും എന്ന ആശങ്കയും ചിത്രത്തെ മാറ്റിവെക്കാനിടയാക്കി.
താന്‍ ജാമ്യം നേടി പുറത്തിറങ്ങിയ ശേഷം ചിത്രം പുറത്തിറക്കിയാല്‍ മതിയെന്നായിരുന്നു ദിലീപ് സംവിധായകന്‍ അരുണ്‍ ഗോപിയോടും നിര്‍മാതാവ് ടോമിച്ചന്‍ മുളകുപാടത്തോടും പറഞ്ഞത്. എന്നാല്‍ ഹൈക്കോടതി രണ്ടാമതും ജാമ്യം നിഷേധിച്ചതോടെ ചിത്രം തിയറ്ററുകളിലെത്തിക്കാന്‍ തീരുമാനിക്കുകയായിരുന്നു.
ഈ മാസം 22നാണ് ചിത്രം തിയറ്ററുകളിലെത്തുന്നത്. എന്നാല്‍ രാമലീലയ്ക്ക് രണ്ട് ദുല്‍ഖര്‍ ചിത്രങ്ങളില്‍ നിന്ന് കടുത്ത വെല്ലുവിളിയായിരിക്കും നേരിടേണ്ടി വരിക.
സൗബിന്‍ ഷാഹിര്‍ സംവിധാനം ചെയ്യുന്ന പറവയില്‍ ദുല്‍ഖര്‍ സല്‍മാന്‍ പ്രാധാന്യമുള്ള ഒരു അതിഥി വേഷത്തിലാണ് എത്തുന്നത്. ചിത്രം 21ന് തിയറ്ററുകളിലെത്തും. ദുല്‍ഖര്‍ അഞ്ചു ഗെറ്റപ്പുകളിലെത്തുന്ന ബിജോയ് നമ്ബ്യാര്‍ ചിത്രം സോലോയും ഈ മാസം അവസാനത്തോടെ തിയറ്ററുകളിലെത്തിയേക്കും.
No comments