വയനാട്ടില്‍ 52 ശതമാനം ഹിന്ദുക്കള്‍ - ബിജെപി വാദം തള്ളി ഉമ്മന്‍ചാണ്ടി.. ബിജെപിയേക്കൾ വിറളി സിപിഎമ്മിന് എന്തിനെന്ന് ഉമ്മന്‍ചാണ്ടി.. രാഹുല്‍ കേരളത്തെ സ്നേഹിക്കുന്ന നേതാവ്..
ബിജെപിയുടെ ഭാഷ കടമെടുത്താണ് സിപിഎം രാഹുല്‍ ഗാന്ധിയെ ആക്ഷേപിക്കുന്നത്.
ഈ ഭാഷയില്‍ മറുപടി പറയാന്‍ കോണ്‍ഗ്രസിനാവില്ല. 23-ാം തീയതി ജനങ്ങള്‍ അതിനു മറുപടി നല്‍കും.
കോണ്‍ഗ്രസിന്‍റെ സിറ്റിംഗ് സീറ്റില്‍ പാര്‍ട്ടി അധ്യക്ഷന്‍ മത്സരിക്കുന്നതില്‍ തെറ്റായ സന്ദേശം എന്താണ്.
അവര്‍ പാര്‍ട്ടി കോണ്‍ഗ്രസില്‍ തീരുമാനിച്ചതാണ് ഇക്കാര്യം. പിന്നെ എന്തു തെറ്റായ സന്ദേശം എന്നാണു മുഖ്യമന്ത്രി പറയുന്നത് -ഉമ്മന്‍ ചാണ്ടി ചോദിച്ചു.
രാഹുല്‍ മത്സരിക്കുന്നതിനാല്‍ ഇടതുപക്ഷം സ്ഥാനാര്‍ഥിയെ പിന്‍വലിക്കണം എന്നു കോണ്‍ഗ്രസ് പറഞ്ഞിട്ടില്ല. ഇതു രാഷ്ട്രീയ മത്സരമാണ്. കോണ്‍ഗ്രസുമായി നീക്കുപോക്കു വേണ്ടെന്നു തീരുമാനിച്ചത് അവരാണ്.
സിപിഎം മുഖപത്രമായ ദേശാഭിമാനിയിലാണ് രാഹുലിനെ പപ്പുവെന്ന് അധിക്ഷേപിച്ച് പരാമര്ശം വന്നത്. ഇതിനെതിരേ കോണ്‍ഗ്രസ് ഒന്നടങ്കം വിമര്ശനവുമായി രംഗത്തെത്തി.
No comments