എന്‍ഡിഎ വിജയ് സങ്കല്‍പ റാലിയില്‍ ഒന്നരലക്ഷം പേര്‍ പങ്കെടുക്കുമെന്ന് ബിജെപി
വൈകിട്ട് 5 മുതല്‍ ബീച്ചിലാണു പരിപാടി. പ്രത്യേക വിമാനത്തില്‍ കോഴിക്കോട് വിമാനത്താവളത്തിലെത്തുന്ന നരേന്ദ്ര മോദി റോഡ് മാര്‍ഗം ആറു മണിയോടെ വേദിയിലെത്തും. 6.30 മുതല്‍ 7.10 വരെ അദ്ദേഹം പ്രസംഗിക്കും. കാസര്‍കോട്, കണ്ണൂര്‍, വടകര, കോഴിക്കോട്, വയനാട്, മലപ്പുറം, പാലക്കാട് മണ്ഡലങ്ങളിലെ എന്‍ഡിഎ സ്ഥാനാര്‍ഥികള്‍ വേദിയിലുണ്ടാകും.
കേരളത്തിലെ തിരഞ്ഞെടുപ്പു ചുമതലയുള്ള ദേശീയ സെക്രട്ടറി വൈ.സത്യ കുമാര്‍, സഹചുമതലയുള്ള നിര്‍മല്‍ സുരാന എന്നിവരും സംസ്ഥാന പ്രസിഡന്റ് പി.എസ്.ശ്രീധരന്‍പിള്ള അടക്കമുള്ള നേതാക്കളും പങ്കെടുക്കും. കേരള ജനപക്ഷം നേതാവ് പി.സി.ജോര്‍ജും എത്തും. ശക്തമായ സുരക്ഷാ ക്രമീകരണങ്ങളാണ് നഗരത്തില്‍ ഏര്‍പ്പെടുത്തിയിരിക്കുന്നത്. കമാന്‍ഡോകളും സായുധ വിഭാഗവുമടക്കം 2000 സേനാംഗങ്ങളെ വിന്യസിക്കും
No comments