വടിവാളല്ല, അത് മടവാള്‍: എം.ബി രാജേഷിന്റെ റാലിയില്‍ ആയുധം വീണ സംഭവത്തില്‍ പൊലീസ് റിപ്പോര്‍ട്ട്
ഒറ്റപ്പാലം നിയോജകമണ്ഡലം പര്യടനത്തിനിടെയാണ് സംഭവം.
ഉമ്മനഴിയില്‍ നിന്നു മണ്ണാര്‍ക്കാട് റോഡിലേക്കു സ്ഥാനാര്‍ഥിക്കൊപ്പമുള്ള പര്യടന വാഹനങ്ങള്‍ തിരിയുന്നതിനിടെ ഒരു ഇരുചക്രവാഹനം ചരിഞ്ഞു. ഇതിലുണ്ടായിരുന്നവരില്‍ നിന്നാണ് വാള്‍ റോഡിലേക്ക് തെറിച്ചുവീണത്. പിന്നാലെയെത്തിയ മറ്റ് വാഹനങ്ങളിലുളളവര്‍ വളഞ്ഞുനിന്ന് ഇതു മറച്ചു.
സ്ഥാനാര്‍ഥിയുടെ പര്യടനം മൊബൈലില്‍ പകര്‍ത്തിയ നാട്ടുകാര്‍ക്കെല്ലാം ദൃശ്യങ്ങള്‍ ലഭിച്ചിരുന്നു. ആയുധവുമായി സ്ഥാനാര്‍ഥിക്കൊപ്പം സഞ്ചരിച്ചതില്‍ അന്വേഷണം വേണമെന്നും എല്‍.ഡി.എഫിന് ഉപയോഗിക്കാന്‍ പറ്റിയ ചിഹ്നമാണ് വടിവാള്‍ എന്നും യു.ഡി.എഫ് നേതൃത്വം ആരോപിച്ചിരുന്നു. സംഭവത്തെ തുടര്‍ന്ന് തിരഞ്ഞെടുപ്പ് കമ്മിഷനും ജില്ലാ പൊലീസ് മേധാവിക്കും പരാതി നല്‍കിയിരുന്നു.
No comments