പണി പാളി..! അഴിമതി ഫയല്‍ കാട്ടി അമിത് ഷാ കണ്ണുരുട്ടി , അജിത് വീണുപോയി ? ; ഒറ്റരാത്രി കൊണ്ട് ബിജെപി പാളയത്തിലേക്കു ചേക്കേറി ഉപ മുഖ്യമന്ത്രിയാകാന്‍ അജിത് പവാറിനെ പ്രേരിപ്പിച്ചത് ഒരു ലക്ഷം കോടി രൂപയുടെ അഴിമതി ആരോപണം ?
കോണ്‍ഗ്രസ്, എന്‍സിപി, ശിവസേന സഖ്യം നിലനില്‍ക്കും. കോണ്‍ഗ്രസ് എംഎല്‍എമാരെല്ലാം പാര്‍ട്ടിക്കൊപ്പമുണ്ടെന്നും അഹമ്മദ് പട്ടേല്‍ പറഞ്ഞു.
ഇതിനിടെ, ബിജെപിക്കുള്ള മറുപടിയെന്നോണം കോണ്‍ഗ്രസ്, എന്‍സിപി, സേന സഖ്യത്തിലെ എംഎല്‍എമാരെ ഗവര്‍ണറുടെ മുന്നിലെത്തിക്കാനും നീക്കങ്ങള്‍ നടക്കുന്നുണ്ട്.
അപ്രതീക്ഷിത രാഷ്ട്രീയ അട്ടിമറിയിലൂടെ മഹാരാഷ്ട്രയില്‍ സര്‍ക്കാര്‍ രൂപീകരിച്ച ബിജെപിക്കെതിരെ രൂക്ഷ വിമര്‍ശനവുമായി ശിവസേനാ തലവന്‍ ഉദ്ധവ് താക്കറെ രംഗത്ത്.
വഞ്ചകരോടും പിന്നില്‍ നിന്ന് കുത്തിയവരോടും എന്തുനിലപാടാണ് സ്വീകരിക്കേണ്ടതെന്ന് തങ്ങള്‍ക്ക് അറിയാമെന്നും ശിവസേന എംഎല്‍എമാരെക്കൂടി അടര്‍ത്തിയെടുക്കാന്‍ ബിജെപി ശ്രമിക്കുന്നുണ്ടെന്നും പറഞ്ഞു.
എന്നാല്‍, ഇത്തരം ശ്രമങ്ങളൊന്നും വിലപ്പോവില്ലെന്നും അങ്ങനെ ഉണ്ടായാല്‍ മഹാരാഷ്ട്ര ഉറങ്ങുമെന്ന് ബിജെപി ധരിക്കരുതെന്നും ഉദ്ധവ് താക്കറെ കൂട്ടിച്ചേര്‍ത്തു.
നിലവിലെ സംഭവവികാസങ്ങള്‍ക്കു പിന്നാലെ മഹാരാഷ്ട്ര റിസോര്‍ട്ട് രാഷ്ട്രീയത്തിലേക്ക്. കോണ്‍ഗ്രസ്, എന്‍സിപി എംഎല്‍എമാരെ റിസോര്‍ട്ടിലേക്ക് മാറ്റാനാണ് നീക്കം നടക്കുന്നത്. മധ്യപ്രദേശിലെ റിസോര്‍ട്ടിലേക്കായിരിക്കും എംഎല്‍എമാരെ മാറ്റുകയെന്നാണ് റിപ്പോര്‍ട്ടുകള്‍.
ഇതിനിടെ എംഎല്‍എമാരെ ഗവര്‍ണറുടെ മുന്നിലെത്തിക്കാനും നീക്കം നടക്കുന്നുണ്ട്. അതേസമയം, വിമത എംഎല്‍എമാരെ മാറ്റാന്‍ ബിജെപിയും ശ്രമിക്കുകയാണ്.
ബിജെപി പാളയത്തിലേക്കു ചേക്കേറി ഉപമുഖ്യമന്ത്രിയാകാന്‍ അജിത് പവാറിനെ പ്രേരിപ്പിച്ചത് ഒരു ലക്ഷം കോടിയോളം രൂപയുടെ അഴിമതി ആരോപണം സംബന്ധിച്ച കേസുകള്‍ നിലനില്‍ക്കുന്നണെന്ന് മഹാരാഷ്ട്രാ രാഷ്ട്രീയത്തിലെ അടക്കം പറച്ചില്‍.
അജിത് പവാറിനും ശരദ് പവാറിനും എതിരെ കള്ളപ്പണം വെളുപ്പിക്കല്‍ നിരോധന നിയമപ്രകാരം എന്‍ഫോഴ്‌സ്‌മെന്റ് ഡയറക്ടറേറ്റ് (ഇഡി) സെപ്റ്റംബറില്‍ കേസെടുത്തിരുന്നു.
11,000 കോടിയുടെ നിക്ഷേപമുള്ള സഹകരണ ബാങ്കില്‍ നിന്ന് എങ്ങനെയാണ് 25,000 കോടി തട്ടിപ്പു നടത്തുന്നതെന്നു ചോദിച്ച അജിത്, തിരഞ്ഞെടുപ്പ് അടുത്തവേളയില്‍ പാര്‍ട്ടിയെ ഇല്ലാതാക്കാന്‍ നടത്തുന്ന ബിജെപി നീക്കമാണ് ഇഡി കേസെന്നും പറഞ്ഞു.
No comments