ചാക്കോയുടെ "ചാക്കിലേക്" ഒരാള് കൂടി..!! ലതിക സുഭാഷ് എന്‍സിപിയിലേക്ക്..?? പിസി ചാക്കോയുമായി ചര്‍ച്ച നടത്തി..!!
കോട്ടയം: മുന്‍ കോണ്‍ഗ്രസ് നേതാവും മഹിള കോണ്‍ഗ്രസ് അധ്യക്ഷയുമായിരുന്ന ലതിക സുഭാഷ് എന്‍സിപിയിലേക്ക്. എന്‍സിപി സംസ്ഥാന അധ്യക്ഷന്‍ പി.സി. ചാക്കോയുമായി ലതിക സുഭാഷ് ചര്‍ച്ച നടത്തി. കോണ്‍ഗ്രസ് പാരമ്ബര്യമുള്ള പാര്‍ട്ടിയാണ് എന്‍സിപിയെന്ന് ലതിക സുഭാഷ് പറഞ്ഞു. പാര്‍ട്ടിയില്‍ ചേരുന്നത് സംബന്ധിച്ച ഔദ്യോഗീക പ്രഖ്യാപനം ഉടന്‍ ഉണ്ടായേക്കുമെന്നാണ് സൂചന.
നിയമസഭാ തെരഞ്ഞെടുപ്പില്‍ സീറ്റ് നിഷേധിച്ചതില്‍ പ്രതിഷേധിച്ചാണ് ലതിക സുഭാഷ് കോണ്‍ഗ്രസ് വിട്ടത്. പാര്‍ട്ടി ഓഫീസിന് മുന്നില്‍ തല മുണ്ഡനം ചെയ്ത് പ്രതിഷേധിച്ച ലതിക സുഭാഷ്, ഏറ്റുമാനൂര്‍ നിയോജകമണ്ഡലത്തില്‍ സ്വതന്ത്ര സ്ഥാനാര്‍ഥിയായി മത്സരിക്കുകയും ചെയ്തിരുന്നു.
'പിസി ചാക്കോയുമായി പ്രാഥമിക ചര്‍ച്ചകള്‍ നടത്തിയിട്ടുണ്ട്. കുട്ടിക്കാലം തൊട്ട് കാണുന്ന കോണ്‍ഗ്രസ് നേതാവാണ് അദ്ദേഹം. ചര്‍ച്ചകള്‍ പുരോഗമിക്കുകയാണ്. സ്ഥാനമാനങ്ങള്‍ പ്രതീക്ഷിച്ചല്ല എന്‍ സി പിയിലേക്ക് പോകുന്നത്,കോണ്‍ഗ്രസ് പാരമ്ബര്യമുള്ള പാര്‍ട്ടിയായതിനാലാണ്.'- ലതികാ സുഭാഷ് പറഞ്ഞു. അധികം വൈകാതെ കൂടുതല്‍ വിവരങ്ങള്‍ അറിയിക്കുമെന്നും അവര്‍ കൂട്ടിച്ചേര്‍ത്തു.
നിയമസഭാ തിരഞ്ഞെടുപ്പില്‍ കോണ്‍ഗ്രസ് സീറ്റ് നല്‍കാത്തതില്‍ പ്രതിഷേധിച്ചാണ് ലതികാ സുഭാഷ് പാര്‍ട്ടിവിട്ടത്.
തലമുണ്ഡനം ചെയ്തും അവര്‍ പ്രതിഷേധിച്ചിരുന്നു. പിന്നാലെ ഏറ്റുമാനൂരില്‍ സ്വതന്ത്രയായി മത്സരിക്കുകയും, 7,624 വോട്ടുകള്‍ നേടുകയും ചെയ്തിരുന്നു.
പാര്‍ട്ടി വിരുദ്ധപ്രവര്‍ത്തനം നടത്തിയതിന് കോണ്‍ഗ്രസ് നേരത്തെ ലതികാ സുഭാഷിനെ പുറത്താക്കിയിരുന്നു. അതേസമയം ലതികാ സുഭാഷിനെ എ കെ ശശീന്ദ്രന്‍ പാര്‍ട്ടിയിലേക്ക് സ്വാഗതം ചെയ്തു. കോണ്‍ഗ്രസില്‍ നിന്ന് വരുന്നവര്‍ക്ക് എന്‍ സി പി അര്‍ഹമായ പരിഗണന നല്‍കുമെന്ന് അദ്ദേഹം പറഞ്ഞു.
No comments