നിയമസഭ തെരഞ്ഞെടുപ്പ് പ്രചാരണം..!! സോണിയ ഗാന്ധിക്ക് കത്തയച്ച്‌ സിദ്ധു..!! കത്തിൽ ഇക്കാര്യങ്ങൾ..
വരുന്ന നിയമസഭ തെരഞ്ഞെടുപ്പ് പ്രചാരണത്തിന് 13 ഇന അജണ്ടയുമായി പഞ്ചാബ് കോണ്‍ഗ്രസ് നേതാവ് നവ്ജ്യോത് സിങ് സിദ്ധു രംഗത്ത് .ഇതുമായി ബന്ധപ്പെട്ട് കോണ്‍ഗ്രസ് അധ്യക്ഷ സോണിയ ഗാന്ധിക്ക് സിദ്ധു കത്തയച്ചു.
2022 ലാണ് പഞ്ചാബില്‍ നിയമസഭ തെരഞ്ഞെടുപ്പ് നടക്കുന്നത്.
ഒക്ടോബര്‍ 15നാണ് സിദ്ധു ഇതുമായി ബന്ധപ്പെട്ട് കോണ്‍ഗ്രസ് അധ്യക്ഷക്ക് കത്തയച്ചത്. ഈ കത്ത് ഇപ്പോള്‍ സിദ്ധു തന്റെ ട്വിറ്റര്‍ അക്കൗണ്ടിലൂടെ പുറത്ത് വിട്ടു .
ലഹരിപ്രശ്നം, മണല്‍ ഖനനം, കാര്‍ഷിക മേഖലയിലെ പ്രശ്നങ്ങള്‍, തൊഴില്‍, പിന്നോക്കക്കാരുടെ പുരോഗതി എന്നിവയിലൂന്നി തെരഞ്ഞെടുപ്പിനെ നേരിടണമെന്നാണ് സിദ്ധു ആവശ്യപ്പെടുന്നത് .
കോണ്‍ഗ്രസ് നേതാവ് രാഹുല്‍ ഗാന്ധി, എ.ഐ.സി.സി ജനറല്‍ സെക്രട്ടറി കെ.സി.വേണുഗോപാല്‍ എന്നിവരുമായി കൂടിക്കാഴ്ച നടത്തിയതിന് പിന്നാലെയാണ് സിദ്ധുവിന്റെ കത്ത്. അതേസമയം, സിദ്ധുവിന്റെ കത്തില്‍ കോണ്‍ഗ്രസ് ദേശീയ നേതൃത്വത്തിന്റെ ഔദ്യോഗിക പ്രതികരണം പുറത്ത് വന്നിട്ടില്ല.
No comments